'O ciucciariello lyrics

'Ncopp'a 'na strada janca e sulagna

'Mmiez'a ll'addore e a ll'aria 'e campagna

'Na carretta piccerella

Chianu chiano se ne va

Nun s'affatica 'stu ciucciariello

Nun tene pressa, ch'a tene a fá?

E sta luntano 'stu paisiello

Addó' nisciuno ce ha da aspettá

E tira, tira, tira, oje ciucciariello

'Sta carrettella, tírala tu!

E sona, e sona, e sona 'o campaniello

Ma chi aspettava nun ce sta cchiù

'Na femmena busciarda mm'ha lassato

Luntano da 'a campagna se n'è ghiuta

E tira, e tira, e tira, oje ciucciariello

Pe' n'ata strada pòrtame tu!

Oje ciucciariello, buono e aggarbato

Tu ca nc'hê visto sempe abbracciate

'Na prumessa 'e matrimonio

A sentiste pure tu

Essa diceva: "Si' 'a vita mia

E a primmavera c'îmm''a spusá"

Nun era overo, fuje na buscía

Se n'è partuta, chisà addó' sta?!

E tira, tira, tira, oje ciucciariello

'Sta carrettella, tírala tu!

E sona, e sona, e sona 'o campaniello

Ma chi aspettava nun ce sta cchiù

'Na femmena busciarda mm'ha lassato

Luntano da 'a campagna se n'è ghiuta

E tira, e tira, e tira, oje ciucciariello

Pe' n'ata strada pòrtame tu!

'Na carretta piccerella

Chianu chiano se ne va

Se ne va