'Nzurato. lyrics

Cómm’è bèllo a fumà dòppo mangiato,

a ppanza chiéna, ‘ncòpp’a nu divano,

e rummané mez’óra arrepusato,

ll’acchiale a ll’uócchie e nu giurnale ‘mmano.

Stann’ê vvòte accussì, miézo stunato,

sènto, piglianno suónno chiano chiano,

‘o piccirillo mio ca s’è sfrenato

e ‘a mamma ca lu strilla da luntano.

Bebè, tutta na vòta, spaparanza

la pòrta, trase, me lo veco arreto…

Muglièrema lu vótta e po se scanza…

Zómpa, allucca, strascina lu tappéto,

po se vène a menà ‘ncòpp’a la panza…

Eccommè! Manco ccà stóngo cuièto!