'Na mamma lyrics

Quanno 'na mamma vo parlà, nun tiene 'o tiempo da sentì

A miette areto a tutte 'e cose, tanto 'na mamma po' aspettà

E sulo quanno se fa vecchia e te pigliano 'e rimorse

Tu 'a vulisse accuntentà

Quanno 'na mamma sta malata s'annasconne 'a malatia

Pecché sul'essa vò suffrì

E te regala 'nu sorriso, quanno a cirche quacche cosa

Te vò sempe accuntentà

E te penza

E te cummoglia quanno staje durmenno

Comme si fusse sempe piccerillo

Te vene accarezzà

Ma nun te fa scetà

E te guarda

S'accorge ca tu ancora l'assumiglie

Ma dint'o core suoie comm'è contenta

'O tiempo vo fermà

Pe' nun se fa lassà

Quanno 'na mamma nun ce stà, se resta sule a cammenà

A stessa strada mille vote, nun te vulisse maje fermà

Guardanno 'o tiempo ca è passato, vire tutto che è scuntato

Nun t'aspiette niente cchiù

Quanno 'na mamma se n'è ghiuto, vire 'o treno ca è partuto

E nun 'o può cchiù piglià

T'appienne all'ansia ca te piglia, a 'na fumata 'e sigaretta

A 'na via ca he fatto già

E si sulo

Cu ll'uocchie nfuse bagne nu ricordo

Quanno turnave e t'arapeva a porta

E s'aggrappava a te

Nun te lassava cchiù

E si sulo

Cuntanno l'ore, l'attime e minute

Vulisse da nu cavece a 'sta vita

Ma 'a vita è chesta ccà

E tu 'o sapive già

Ca 'na mamma mo' nun t'a può accattà

Nisiuno cchiù t'a dà

'Na mamma