'A ròta d'a Nunziata lyrics

Cchiù spisso èra na mamma, ca purtava,

dint' 'o sciallo, quaccòsa arravugliata:

na criatura. E dòppo na guardata

sott' uócchio, dint' 'a rota ll' apusava.

Zitto zitto sta ròta s' avutava,

e 'a mappatèlla già s' era squagliata:

e chélla mamma, pòvera scasata,

c'a capa sótto se ne riturnava.

Dòppo nu pòco ca se n'èra juta,

spianno attuórno nne spuntava n'ata,

cómm'a primma, int'o sciallo annascunnuta...

Nòtte e ghiuórno se jéva e se turnava;

e chélla ròta se fósse stracquata!

Vutava sèmpe... vutava... vutava...

’A ròta ’a Nunziata.