'A maglia 'e miézo lyrics

Chisto ca tu hê scigliuto, oi bèlla mia,

nun tene ‘ntenziòne, ma fa ‘o zèzo ;

ògne paròla azzécca... na buscia

e cérca ‘e se n’ascì p’a maglia ‘e miézo !

Tu t’ô ccride e t’ammucche tutte cosa

e già te vide cu ‘o vestito ‘e spósa..

Te pòzzano venì tutt’’e...ffurtune…

me daje na vóce quann’èsceno ‘e pprune !

Chisto è nu sperciasèpe canzaniéllo,

ca zómpa ‘a cca e ‘a llà cagnanno frasca.

A chi prumétte ‘a tèrra, a chi ‘o castiéllo,

a chi strégne ‘o vurzillo e a chi ll’allasca.

Ma quanno vaje pe cèrnere ‘a farina...

ll’ha cernuta isso già a pprimma matina!

Te dice ‘e ghì a parlà c’o parrucchiano

e te lassa na vranca ‘e mósche ‘mmano !!