Ўзга боғнинг олмаси lyrics

Санамжоним сувга чиқар солланиб,

Нозик белин ўпар ҳасоч толаси.

Жоним қолар йўлларига бойланиб,

Бунча ширин ўзга боғнинг олмаси!

Шу боғларда кўнглим маним саргардон,

Қамаштирар офтобининг шуъласи.

Оромимдан айирди-ку жилваси,

Бунча ширин ўзга боғнинг олмаси!

Чертиб ўтар ошиқ дилим торини,

Ғунчаларни уйғотади хандаси,

Тингла бир бор юраккинам зорини,

Эй, бағритош ўзга боғнинг олмаси!

Мен ишқ дедим, оҳлар тўлди кўнглима,

Не қилайин, зинҳор тинмас ноласи,

Бир кечага меҳмон бўлай боғингда,

Ширин-шакар ўзга боғнинг олмаси!

Бунча ширин ўзга боғнинг олмаси...